เนื้อเพลง ฮักขาดที่ตาดโตน โดย อุ้ม สุจิตรา

น้ำตาไหลริน ฮักมาสิ้นอยู่ริมลำธาร
น้ำตกตาดโตนหม่องอ้ายเว้าหวาน
สายน้ำไหลผ่านเสียงดังวื่นวื่น โตนตำโขดหิน
ใจน้องเวียนวินแทบล้มทั้งยืน
สาวชัยภูมิยืนให้สะอื้น ผู้บ่าวบ่คืนมาตามสัญญา

ถิ่นภูแลนคา เมืองผู้กล้าพ่อพญาแล
อ้ายสิบ่มาแว หาน้องอีหลีบ่หนอ
มีหญิงคนหนึ่งยังคิดถึงเฝ้ารอรอรอ
ถ่าแต่ดนกะบ่พ้อ รอรอรอ รอแล้วบ่มา

จวบปีแล้วหนา อ้ายบ่คืนมาบ้าน
บ่าวหนองบัวแดงเคยเว้าคำหวาน
หรือไปคอนสารหาสาวผู้ใหม่ น้ำตกตาดโตน
หัวใจน้องหล่นลืมสาวนาฝาย
ลืมทางมาเมืองชัยแล้วบ้ออ้ายใจเจ้าเปลี่ยนแปร

แปลแปลปีน หัวใจเวียนวินสิ้นหวังพังหล่ม
แปลแปลปีน หัวใจเวียนวินสิ้นหวังพังหล่ม
ลมเอ๋ยลม ให้พัดไปบอกด้วย ให้ไหลย้วยผ่านชาย
หลายเดือนได้อ้ายบ่ต่าวมาหา เลยเมษาสงกรานต์ผ่านพ้น
ฝนมาเข้าพฤษภากล้าหว่าน บ่ทันพาลพบพ้อ อยู่ไสน้อพี่ชาย.

ผู้จองผู้หมาย ผู้หวังอยากได้เป็นคู่นอนเฮียง
ฮอดบ่ได้ยินเสียง อ้ายสิเตี้ยงหยาบย้ายส่ายสวย
คืนชัยภูมิ ถ่าอยู่เด้อให้อ้ายฟ้าวอ่วย
เห็นน้ำไหลย้วยย้วย น้ำตาน้องกะรินไหลลง

ก็คงกลายเป็นอดีตไปแล้ว
บ่มีวี่แวว ว่าอ้ายสิคืนโค้งต่าว
ฮักขาดตาดโต้น ส่างมาหมุ้นหัวใจพังย่าว
ถ่าอยู่เด้อผู้บ่าว อย่าให้รักเราพังลงวารี

จักปีน้องกะยังคอยอ้าย จักปีน้องกะยังคอยอ้าย
สิสมดั่งหมายคือถ่าอยู่บ่ ได้แต่รอรอรอรอแฮ่งเก้อ
แฮ่งเก้อ น้อแฮ่งเก้อ แฮ่งเก้อ บ่เจออ้ายแม่นหม่ายมา
ปวดอุราเห็นสายน้ำตก คือถืกจกหัวใจมาย่ำ
อ้ายส่างใจดำบ่โงโค้ง บ่โงโค้ง